Í yfir 40 ár hefur Royal Canin unnið hörðum höndum að nýsköpun í góðu samstarfi við ræktendur og dýranæringarfræðinga. Þannig höfum við náð að búa til gæludýrafóður sem uppfyllir allar næringarþarfir hunda og katta.

Hundurinn hefur verið félagi mannsins í gegnum árþúsundin og  hefur lagað sig að manninum. Engu að síður hafa hundar sínar eigin þarfir þegar kemur að atferli og næringu. Að þekkja og virða þessar þarfir tryggir góða heilsu og vellíðan hundsins. Royal Canin kappkostar að mæta þessum þörfum hunda.

Kettir eru heillandi dýr. Þeir eiga auðvelt með að aðlagast hversdagslegu umhverfi okkar mannanna en hafa þó sínar eigin þarfir hvað snertir atferli og næringu. Að þekkja og virða þessar þarfir tryggir heilbrigði og vellíðan kattarins. Royal Canin kappkostar að mæta þessum þörfum kattarins.

Fóðrið frá Royal Canin inniheldur öll nauðsynleg næringarefni, í nákvæmlega ákvörðuðum hlutföllum, sem stuðla að velferð og heilbrigði sérhvers dýrs til lengri tíma, í samræmi við aldur, stærð, lífeðlislega eiginleika og tegund.

Næringarpúsluspilið

Rétt samsett næring í réttum hlutföllum er flókið púsluspil með meira en 50 bitum, þar sem hver biti táknar nauðsynlegt næringarefni fyrir dýrið.

Æskilegu jafnvægi er náð með því að öll næringarefni séu í hæfilegum hlutföllum, bæti hvert annað upp og séu misstórir bitar í púsluspilinu.

Næringarnálgun Royal Canin

Næringarnálgunin felur í sér að í fóðrinu er samankomið flókið púsluspil um 50 næringarefna þar sem hvert og eitt þeirra er í nákvæmlega réttu magni til að uppfylla fjögur næringarmarkmið fyrir hvert og eitt dýr.