Í yfir 40 ár hefur Royal Canin unnið hörðum höndum að nýsköpun í góðu samstarfi við ræktendur og dýranæringarfræðinga. Þannig höfum við náð að búa til gæludýrafóður sem uppfyllir allar næringarþarfir hunda og katta.

Hundurinn hefur verið félagi mannsins í gegnum árþúsundin og  hefur lagað sig að manninum. Engu að síður hafa hundar sínar eigin þarfir þegar kemur að atferli og næringu. Að þekkja og virða þessar þarfir tryggir góða heilsu og vellíðan hundsins. Royal Canin kappkostar að mæta þessum þörfum hunda.

Kettir eru heillandi dýr. Þeir eiga auðvelt með að aðlagast hversdagslegu umhverfi okkar mannanna en hafa þó sínar eigin þarfir hvað snertir atferli og næringu. Að þekkja og virða þessar þarfir tryggir heilbrigði og vellíðan kattarins. Royal Canin kappkostar að mæta þessum þörfum kattarins.

Fóðrið frá Royal Canin inniheldur öll nauðsynleg næringarefni, í nákvæmlega ákvörðuðum hlutföllum, sem stuðla að velferð og heilbrigði sérhvers dýrs til lengri tíma, í samræmi við aldur, stærð, lífeðlislega eiginleika og tegund.

Steinefni

Nauðsynleg fyrir líkamann

Rétt samsett fóður þarf enga steinefnaviðbót. Ofneysla steinefna hefur slæm áhrif á meltingargetu og getur jafnvel haft öfug áhrif við það sem þeim er ætlað.

Þegar fæðu er brennt er askan sem verður til þau steinefni sem voru í fæðunni, en þau eru vanalega 5-8% af þurrfóðri.

Steinefni sem eru til staðar í miklu magni (kalsíum, fosfór, kalíumsítrat, natríum og magnesín), kallast stórefni (macro elements). Þau sem eru til staðar í litlu magni, þ.e. snefilefni, eru aðeins nokkur mg í hverju kg, en eru engu að síður nauðsynleg fyrir virkni líkamans (t.d. járn, sink, mangan, kopar, joð og seleníum).

Mismunandi innihaldsefni í matarskammtinum innihalda steinefni. Þau geta einnig verið í hreinsuðum söltum: járn-súlfat, sink-oxíð, mangan, kopar-súlfat, natríum-selenít, kalsíum-joðblanda o.s.frv.

Hvert og eitt steinefni á hlut í margskonar virkni. Til að hafa þetta einfalt takmörkum við umfjöllun okkar við meginhlutverk helstu steinefna í líkamsstarfseminni.